Kutxabanken irabazien inguruko balorazioa

lupa

Donostia, 2014-8-29

Idatzi bateratu honen bitartez, Gipuzkoako Kaleratzeak Stop eta IRPH Stop elkarteek Kutxabankek bere irabazietan ezagutzera eman duen %57ko igoeraren inguruko gure balorazioa heralazi nahi diogu gizarteari.

Gure elkarteek ez dute inolaz ere Kutxabanken irabazietan murrizketarik desio. Izan ere, irabazi hauek teorian gizarte ekintzara zuzenduko dira. Behin baino gehiagotan adierazi dugu PNV, PSE eta PPko buruzagiak gauzatzen ari diren eta gizartearentzat lapurreta nabaria den Kutxabanken pribatizazioa eta gizarte ekintzaren likidazioaren aurkako herri mugimenduari gure babesa eta atxikimendua.

Baina ez dugu irabaziak edozein modutan bilatzea onartuko, eta horregatik oso gogor salatu behar ditugu Kutxabankek 76 milioi euro horiek lortzeko erabiltzen dituen bideak. Gizarteak jakin behar du Kutxabankek, irabazi horien berri ematen duen bitartean, Errenterian Eva eta bere adingabeko alabaren kaleratzea eskatu duela. Kaleratze hau edozein momentutan gerta liteke, eta gure elkarteek eskura ditugun tresna ez biolento guztiak erabiltzeko asmoa dute hori ekiditeko.

Eva eta alabarena bezalako etxegabetzeak exekutatzeaz gain, epaitegietan etxegabetze eskaerak egiten jarraitzeaz gain eta etxea ordainetan hartu eta alokairu soziala ukatzeaz gain, Kutxabankek abusuzko klausulak aplikatzen darrai, eta bere agirian IRPH indizeen ordezkatzeak edota zoru-klausulak bertan behera uzteak taldearen mozkinen gainean duen eragin negatiboagatik kexu agertzeko ausardia izan du. Adierazpen hori nazkagarria da. Abusuzko klausula hauen bidez kobraturikoak itzultzeko asmoa erakutsi edota barkamena eskatu beharrean, etorkizunean irabazteari utziko dionagatik kexu ageri da.

IRPHaren kasuan, gogoratu behar da Kutxabankek abusuzko indize hau aplikatzen jarraitzen duela, Gasteizko Legebiltzarretik, Gipuzkoako Batzar Nagusi eta Foru Aldundutik eta hogeitik gora udalbatzatik jasotako deialdiei entzungor eta trufa eginez. Gainera, dagoeneko badago epai bat Kutxabank IRPH Cajas indizearekin kobraturiko guztiak atzerako eraginez itzultzera zigortu duena, eta 30 salaketatik gora daude epaiketa zain. Irailaren 22an ospatuko da Donostian horietako bati dagokion epaiketa, kasu honetan IRPH Entidades indizea aplikatzeagatik.

Gainera, hipoteka hilero garaiz ordaintzeko zailtasunak dituzten familia kaltetuenei Kutxabankek oraindik ere posizio zordunak galdegiteagatiko komisioa eta berandutze interesak kobratzen dizkie. Bi klausula hauek abusuzkoak direla-eta epaitegietan baliogabetuak izan dira, eta berriki Audientzia Probintzialak baliogabetze hau berretsi du. Berrespen hau exekuzio hipotekario baten barruan eman da, non Lorena eta bere alabari babes ofizialeko etxebitza kendu dien Kutxabankek, Errenterian baita ere, eta kaleratzeko arriskuan daudelarik hauek ere. Beraz, milaka kaltedunek Kutxabank epaitegietan salatu dezakete abusuzko klausula hauek baliatuz diru gehiago ez kobratzeko, baina bankuak aplikatu egiten ditu hala ere, kalteturiko familia gehienek ez baitakite euren eskubideen berri edo ez baitaukate Kutxabank epaitegietan salatzeko baliabiderik.

Modu honetan, eta bankuaren datuen arabera, Kutxabankek egunero milioi bat euroko diru sarrerak ditu komisiotan. Badakite komisio horietako batzuk legez kanpokoak direla, baina aplikatu egiten dituzte, eta aplikatzeari uztera behartuta dauden horien inguruan kexu agertzen dira.

Eta testuinguru honetan, berriki jakin dugu Kontuen Epaitegiak ikerketa zabaldu duela Kutxabankek alderdi politiko bati barkatu dizkion 10 milioi euroen inguruan. Nazkagarria da alderdi politikoei milioika euro barkatzea larrialdian dauden familien babes ofizialeko etxebizitzak enkantera ateratzen dituen bitartean, Donostian Marian eta bere seme-alabena kasu.

Ez dugu amore emango errudunak epaitu eta zigortuak izan artean.

BAI, POSIBLE DA.

One response to “Kutxabanken irabazien inguruko balorazioa

  1. SOBRE LOS BENEFICIOS DE KUTXABANK Y LA ARKITECTURA FINANCIERA DEL PNV;
    Si los comparamos con los de 2013, pero sumando también a los Beneficios que dan los muchos millones que dedican a dotaciones, se comprueba que GANAN 3,3 MILLONES MENOS.
    La nota de Kutxabank o “MIENTE”, o tiene un error, si la comparamos con la nota que ellos mismos enviaron el año pasado, COMPAREMOS:
    LOS RECURSOS DE CLIENTES ahora dice que es 51.568 millones y dice que 4,6% más que el año anterior CUANDO ALLI PUBLICABAN ESTE DATO: Recurso de Clientes se han situado en 62.454 millones, ES DECIR si lo comparas con el dato de este año BAJA UN 17,44%
    El MARGEN BRUTO también BAJA de 717,8 a junio 2013 a 676,7 a junio 2014
    SUBEN, ESO SI, las Comisiones que cobran a la clientela y pasan de 158,5 a 170,4
    El VOLUMEN DE NEGOCIO HA BAJADO de 113.674 millones a 113.533 de este año
    Si a todo esto le añadimos las Sentencias contra Kutxabank por el cobro de Intereses abusivos e ilegales del IRPH, los Desahucios, las cantidades que NO ABONAN A LAS OBRAS SOCIALES, recordar que tienen deuda importantisima, por ejemplo desde 2013 con Tabakalera que no han pagado, se demuestra que la ARKITECTURA FINANCIERA le sirve al PNV para no decir la Verdad sobre Kutxabank, seguir castigando a la clientela y NO abonar lo que deben a la Obra Social. ASKI DA

Leave a Reply

Your email address will not be published. Required fields are marked *