IRPH aplikatzeagatik Kutxabanken aurkako sei zigor berri

macroj_recuento

30 SALAKETA EPAIAREN ZAIN GERATU ETA ASTE BETE BAKARRIK PASA DENEAN IRITSI DIRA LEHEN EPAIAK

HEMENDIK AURRERA KUTXABANKen AURKAKO ZIGORRAK ETENGABE ETORRIKO DIRA

GIPUZKOAN 15.000 FAMILIATIK GORA DAGO EGOERA BERDINEAN

IRPH STOP GIPUZKOA ELKARTEAK XABIER ITURBERENDIMISIOA EXIJITZEN DU

Donostia, 2014-11-18

Gaur ezagutu dira pasa den azaroaren 10ean epaiaren zain geratu ziren 30 salaketatik seiri dagozkien epaiak. Salaketa guztiak Kutxabanken aurkakoak dira, IRPH aplikatzeagatik.

Sei kasuetan justiziak ebatzi du IRPH aplikatzea legediaren aurkakoa dela, eta Kutxabank zigortu du atzerako eraginez IRPHren arabera ordainduriko kuota guztiak berriz kalkulatu eta salaketa jarri dutenei «bidegabe kobraturikoak itzultzera».

Gaurko sei hauekin jadanik bederatzi dira IRPH Stop Gipuzkoa elkartearen talde juridikoak, Maite Ortiz eta José María Erauskinek zuzenduta, lortu dituen epaiak. Eta argi dago datozen egunetan epai gehiago etorriko direla, 33 izan arte.

Baina Gipuzkoan 15.000tik gora izan daitezke egoera berdinean dauden familiak, eta beraz Kutxabankek guztiei bidegabe kobratu dizkien interesak itzultzea onartzen ez badu epaitegiek salaketekin gainezka egingo dute.

IRPH Stop Gipuzkoa elkartetik PNV, PSE eta PPri erantzukizunez joka dezaten dei egiten diegu, Kutxabanken duten botereaz abusu honi amaiera eman diezaioten, kaltetuoi euren dirua itzuliaz.

Gainera, Xabier Iturbek dimisioa eman dezan exijitzen dugu, IRPHarekin egin duen kudeaketagatik, nahiz eta bere esanetan kudeaketa hau «bikaina» izan. Xabier Iturbe gipuzkoar guztiok helburu sozialekin sortu genuen aurrezki kutxa hiritarrok epaitegietara eramatera behartzen gaituen entitate bihurtzearen errudun da. Eta epaitegietan jasotzen ari den zigor sortak ez dio dimisioa beste irtenbiderik uzten.

IRPH Stop Gipuzkoa elkarteak finantza-entitate guztiek IRPH guztiekin kalteturiko familia guztientzat justizia exijitzen dugu.

Posible da.

3 responses to “IRPH aplikatzeagatik Kutxabanken aurkako sei zigor berri

  1. Desde Cataluña os apoyamos también. Aquí se aplicaron en Catalunya Caixa y La Caixa. #VanACaerTodos

  2. Conocéis alguna otra plataforma fuera de Euskadi que este llevando el tema del IRPH?????

  3. Para precisar un poco mas en Andalucía, mi tema es con Caja Granada, Ahora BMN.

Leave a Reply

Your email address will not be published. Required fields are marked *