Dagoeneko 31 dira IRPHa baliogabetzen duten epaiak

macroj_recuento_31

DAGOENEKO 31 DIRA IRPHa BALIOGABETZEN DUTEN EPAIAK

ENTZUTEGI PROBINTZIALAK LAISTER EMANGO DU BERE IRITZIA, ETA EZIN DU EPAITEGIAREN AURKA EGIN

KUTXABANKEN TEILATUAN DAGO ORAIN PILOTA

GIPUZKOAN 15.000 FAMILIA DAUDE ERANTZUN BATEN ZAIN. XABIER ITURBEK DIMISIOA EMAN BEHAR DU

Donostia, 2014-11-25

IRPH Stop Gipuzkoak dagoeneko 31 garaipen judizial ditu Kutxabanken aurka, IRPHa baliogabetzen duten beste hainbeste epaiekin.

Kasu guztietan justiziak ebatzi du IRPH aplikatzea legediaren aurkakoa dela, eta Kutxabank zigortu du atzerako eraginez IRPHren arabera ordainduriko kuota guztiak berriz kalkulatu eta salaketa jarri dutenei «bidegabe kobraturikoak itzultzera».

Bi salaketa bakarrik daude epaiaren zain, eta agerikoa da Gipuzkoan dauden 15.000 familiek salaketa bana jarriko balute guztiek emaitza berbera izango luketela.

Kutxabankek lehenbiziko epaiari helegitea jarri zion arren, IRPH Stop Gipuzkoa elkarteak uste du Entzutegi Probintzialak epaia baieztatu egingo duela. Merkataritza Arloko Epaitegiak 31 epai hauek ebazten erakutsi duen azkartasunak argi utzi du ez dagoela indizearen abusibitatearen gaineko zalantzarik. Kasu guztiak eraman dituen epailea, Edmundo Rodríguez Achútegui, magistratua da Araban (laguntza lanetan dabil Donostiako Epaitegian) eta eskarmentu handia du gai hauetan, eta beraz ez dirudi Entzutegi Probintzialak bere ikuspuntua txarretsi eta hogeita hamar epaitik gora baliogabetuko dituenik.

Ondorioz, epaitegietako borroka erabakita dagoela dirudi, eta IRPH Stop Gipuzkoa elkartetik egoera berdinean dauden 15.000 familiei euren dirua itzultzeko exijitzen diogu Kutxabanki, epaitegietara jotzera behartu gabe.

Xabier Iturbe Kutxaren degenerazioaren erantzule da, gipuzkoarrok gipuzkoarrentzako sorturiko kutxa bat izatetik herritarrok epaitegietan babesa eskatzera behartzen gaituen entitate bat izatera pasa delarik.

Xabier Iturbek Gipuzkoako gizartearen aurrean agerraldia egin behar du, honako hauek iragarriz:

1.- Kalteturiko familia guztiei IRPHarekin kobraturiko interesak itzultzea.
2.- Bere dimisioa.

Beste edozein jokabide, antisozial izateaz gain, antisistema era izango litzateke, Gipuzkoan bakarrik epaitegiek 15.000 salaketekin gainezka egingo bailukete.

2 responses to “Dagoeneko 31 dira IRPHa baliogabetzen duten epaiak

  1. Muy buenas.
    Yo tengo hipoteca con kutxaban desde el 2001 con irpf q tengo que hacer para reclamar. Si no es legal dicha aplicación y como puedo saber si tiene cláusulas de suelo.

  2. Muy buenas.
    Yo tengo hipoteca con kutxaban desde el 2001 con irpf q tengo que hacer para reclamar. Si no es legal dicha aplicación y como puedo saber si tiene cláusulas de suelo.

Leave a Reply

Your email address will not be published. Required fields are marked *