Category Archives: Podemos

Espainiako gobernuak IRPHaren inguruko galdera sorta bati erantzun beharko dio idatziz

Josep Vendrell, Unidos Podemos – En Comú Podem – En Marea taldeko diputatuak, IRPH indizearen inguruko galdera erregistratu du, eta gobernuak idatziz erantzun beharko dio.

Bere idatzian Josep Vendrell-ek dio IRPHa oso manipulagarritzat jotzen den indizea dela, eta bataz besteko sinple batekin kalkulatzen dela eta TAE tipoak kontuan hartzen dituela salatzen du. Diputatuak azpimarratzen du kaltedunen kopurua handia dela, IRPH Stop Gipuzkoak kalkulaturiko 1.3 milioitako zenbakia erabiliz. Hauek dira egin dituen galderak:

¿Qué mecanismos de información y asesoramiento va a impulsar el Gobierno ante el elevado volumen, 1’3 millones, de personas afectadas?
Ante las continuadas sentencias judiciales que establecen la nulidad del IRPH por ser una cláusula abusiva y el retorno a las personas afectadas de lo cobrado indebidamente, el Gobierno está estudiando fórmulas para solucionar esta problemática evitando su judicialización?
¿Considera el Gobierno que hay indicios de manipulación en el cálculo del índice de referencia de los préstamos hipotecarios por parte de las entidades financieras?
¿El Gobierno ha mantenido reuniones o contactos con las entidades financieras para tratar esta cuestión? ¿Con qué interlocutores?
¿El Gobierno ha mantenido reuniones o contactos con plataformas de personas afectadas para tratar esta cuestión? ¿Con qué interlocutores?
¿La cuestión del IRPH o de otras malas prácticas de las entidades financieras españolas ha sido tratada con la Comisión Europea? ¿En qué términos?
¿Está estudiando el Gobierno la sustitución definitiva del IRPH?
¿El Gobierno considera necesario que las entidades financieras realicen provisiones específicas para hacer frente a las devoluciones de las cantidades cobradas indebidamente por el IRPH?

Oso galdera interesgarriak dira, eta gobernuak apirilaren 29a baino lehenago erantzun beharko ditu. Baina ezin gara oso baikorrak izan, eta PPren gobernuak ihesbideren bat erabili eta galderak erantzun gabe utziko ditu ziur aski. Aurrez ere, orain dela 3 urte, 2014ko martxoaren 17an Amaiur koalizioak (egun EH Bildu denak) IRPHaren inguruko galdera sorta bat aurkeztu zuen, eta gobernuak emandako erantzuna lotsagarria izan zen. Edozein modutan, ekimen interesgarria da, Espainiako kongresuan IRPHaren gaiari ikusgarritasuna emateko besterik ez bada ere. Gogora dezagun ganbera berean agerraldia egingo dutela laster gure abokatu Maite Ortiz eta Jose Mari Erauskinek, eta espero dezagun berandu baino lehen arazoari konponbidea topatzea.

IRPHaren aurkako ebazpen urardotua onartu dute Gipuzkoako BBNNek

alertalaranja

GIPUZKOAKO BATZAR NAGUSIEK IRPH ABUSUZKO INDIZEAREN AURKAKO EBAZPENA ONARTU DUTE

PNV, PSE ETA PPk, EH BILDU ETA PODEMOSen TESTUAREN ORDEZKO BAT INPOSATU DUTE, LAPURTURIKO DIRUA ITZULTZEA EZ DEFENDATZEKO

Donostia, 2016-10-5

Gipuzkoako Batzar Nagusien osoko bilkurak EH Bildu eta Podemos – Ahal Dugu batzarkide taldeek adosturiko ebazpen proposamen bat eztabaidatu dute gaur. Testu horrek indize hau bertan behera uztea eta bere bitartez kobraturiko interesak eta desjabeturiko etxebizitzak itzultzea exijitzen zuen.

Baina PNV, PSE eta PPk euren indarrak batu dituzte ordezko testu bat aurrera ateratzeko, non indizea bertan behera uzteko eskaria mantentzen den baina kobraturiko diruak eta desjabeturiko etxebizitzak itzultzeko aukera ezabatzen den. Dirudienez, talde hauek ados daude banketxeek lapurreta egiteari uztearekin, baina ez dute uste beharrezkoa denik apurturikoa itzultzea eta etxegabeturiko familiak euren etxeetara bueltatzea.

Azpimarratzekoa da PSEren aldetik atzerapauso nabarmena dela gaurko jarrera, eta bere koherentzia ezaren adierazle beri bat. Izan ere, orain dela ez asko Gasteizko Legebiltzarrean antzeko testu bat babestu zuen PSEk, eta bertan diruaren itzultzea exijitzen zen.

PSEren atzerapauso hau nolabait konpentsatzeko, PNVren aurrerapausoa nabarmendu dezakegu: dagoeneko ez digute sinistarazi nahi IRPHa indize zoragarria denik (Corchón jaunak areto berean egin zuen bezala), eta Mª Eugenia Arrizabalaga jeltzaleak gaur onartu duen IRPHak «manipulablea izatearen itxura guztia daukala». Horregatik, Espainiako gobernuak bertan behera uzteko eskatu du. Gogorarazi nahi diogu Arrizabalaga andereari bere alderdiak Kutxabanken kontrola duela, eta ondorioz logikoena banketxe honek indizea aplikatzeari berehala utzaraztea litzatekeela, Espainiako legediaren aldaketei zain egon gabe.

Hala ere, osoko bilkurako unerik lotsagarriena beste bat izan da, hau ere Arrizabalaga anderearen eskutik: batzarkide jeltzaleak esan du Kutxbank izan zela IRPH Cajas kentzen eta Euribor+1 jartzen ia lehena. Lotsagarria da horrelako gezurrak esatera ausartzea. Gauza jakina da Kutxabankek IRPH Cajas indizearen aplikazioa ahal zuen guztia luzatu zuela, epaile batzuen ustez legeak agindutakoa baino gehiago, eta dozenaka erakunderen deialdiei entzungor eginez, tartean Gipuzkoako Batzar Nagusiak berak. Kutxen sorkuntzan esku hartutako erakundeek ere, Foru Aldundia eta Donostiako Udaletxea kasu, eskatu zioten Kutxabanki IRPH Cajas aplikatzeari berehala uzteko, baina banketxeak eskaera horiei guztiei entzungor egin zuen. Ondorioz, Arrizabalaga andereari bere hitzak zuzentzeko eskatzen diogu. Asko sufritu genuen kontu horrekin, orain gainera gezur hori entzun behar izateko.

Bestalde, talde guztiak ados egon dira Europako erakundeei ondokoa eskatzeko: erreferentzia indizeen inguruan onartu berri den araudia alda dezatela IRPHa bezala banku zentralek prestatzen dituzten indizeei ere aplikagarri izan dadin. PNV, PSE eta PPren hipokrisiaren erakusle nabarmena izan da. Izan ere, kontu hori Europako parlamentuan bozkatu zenean aurka egin zuten hiruek.

IRPH Stop Gipuzkoak EH Bildu eta Podemos – Ahal Dugu batzarkide taldeen babesa eskertzen du, eta PNV, PSE eta PPk banketxeen interesen defentsan euren indarrak batu izana tamalgarritzat jotzen du.

IRPHa kanpainan sartzen da, Unidos Podemos-en eskutik

160609_twitter

Espainiako Gobernuko presidentegai den Pablo Iglesiasek txio bat idatzi du gaur, ekainaren 9an, IRPHa bankuen abusu bat dela esanaz, eta IRPH Stop Gipuzkoa-ren bideo bati esteka erantsi du.

Alberto Garzón Izquierda Unida-ko koordinatzaile federalak ere antzeko txio bat idatzi du.

Eta egun bat lehenago Rafa Mayoral (Podemos-eko gizarte mugimenduetarako idazkari eta Unidos Podemos-en Madrilgo zerrendan seigarren postuan den hautagaiak) antzeko txio bat idatzi zuen, gure abokatu Jose Mari Erauskini IRPHa azaltzeagatik eskerrak emanez eta gure Youtubeko kanaleko beste bideo bati lotura erantsiz.

Gure plataforma beti izan da apartidista eta halaxe jarraituko dugu, eta badakigu gainera mezu hauek hauteskunde kanpainan datozela eta beraz hauteskunde garaiko mezuen aurrean izan behar den zuhurtziaz hartu behar direla. Baina hala eta guztiz ere, Espainiako Gobernuko presidentegai batek gu aipatzea azpimarragarria da. Espero dugu keinu hauez gain IRPHaren desagertzea eta kalteak konpontzea hautagai guztien programetan sartzea. Eta batez ere, ekainaren 26aren ondoren agindutakoak betetzea. Guk hementxe jarraituko dugu, horiek betearazteko.

Bitartean, jarrai gaitzazu Twitter-eko gure @irphstop_gpzkoa kontuan IRPHaren inguruko albiste guztien berri izateko.

Erreferentzia-indizeen inguruko Europako araudi berria onartu dute, baina ez du IRPHan eraginik izango

EU_gald

Europako Parlamentuaren osoko bilkurak erreferentzia-indizeen inguruko araudi berria onartu du. Testuak oso oinarrizkoak diren betebeharrak ezartzen ditu, IRPHak betetzen ez dituenak, eta beraz bere desagerpena edo eraldatzea ekarriko luke. Baina araudi berria gabezia handi batekin jaio da: ez da banku zentralek prestaturiko indizeei aplikagarri izango, eta IRPHa, Espainiako Bankuak prestatua denez, araudi berria betetzeaz libratu egingo da.

Hau 2015eko maiatzaren 19an zuzendu ahal izan zen. Egun hartan araudi berriaren proiektua eztabaidatu zen, eta Europako ezker taldeak (EH Bildu, IU eta Podemos barne dituena) zuzenketa bat aurkeztu zuen salbuespen hau ezabatzeko. Baina zuzenketa baztertua izan zen PP, PSOE eta PNVren bozekin, besteren artean (informazio guztia egun hartan argitaratu genuen berri honetan duzu eskuragarri).

Bozketa haren ondoren hiru aldeen arteko negoziazio epea ireki zen, Europako Parlamentu, Kontseilu eta Komisioaren artean. negoziazio horiek amaituta, banku zentralek prestaturiko indizeen salbuespenak bertan jarraitu du, eta testua gaur izan da onartua bozketa bitartez.

Testuaren alde bozkatu dute, bankuen alde indarrak batuz, PP, PSOE, Ciudadanos, UPyD, PNV, CDC, eta Unió alderdiek.

Aurka bozkatu dute, bankuen abusuen arkako gure borrokari babesa emanaz, Podemos, Izquierda Unida, EH Bildu, Compromís, ERC, AGE eta Iniciativa per Catalunya Verds alderdiek.

Erreferentzia indizeen inguruko Europako araudi berria apirilaren 12an onartuko dute eta ez du IRPHan eraginik izango [EGUNERAKETA: bozketa atzeratu dute]

europarl

Aurrez ere azaldu izan dugun moduan, Europako agintaritzek 2016an bertan indarrean sartuko den araudi berri bat prestatu dute erreferentzia indizeei aplikagarri izango zaiena. Araudiak oso oinarrizkoak diren betebeharrak ezartzen ditu, baina IRPHak ez lituzke beteko eta beraz desagertu edo aldatu egin beharko luke. Baina gabezia garrantzitsu batekin jaioko da araudi hau: ez da banku zentralek prestaturiko indizeei aplikagarri izango. IRPHa, Espainiako Bankuak prestatua denez, araudia betetzeaz salbatuko da beraz.

Hau 2015eko maiatzaren 19an zuzendu ahal izan zen, Europako Parlamentuaren osoko bilkurak araudi proiektua eztabaidatu zuenean. Europako ezkerreko taldeak (EH Bildu, IU eta Podemos barne dituenak) zuzenketa bat aurkeztu zuen, testuak aurreikusten dituen salbuespenak ezabatzeko. Baina zuzenketa baztertua izan zen, besteak beste PP, PSOE eta PNVren botoekin. Alderdi hauek berriz ere indarrak batu zituzten IRPHa salbatzeko, eta lortu egin zuten (egun hartan argitaratu genuen berrian duzu informazio guztia).

Bozketa haren ondoren negoziazioak hasi ziren Europako Parlamentuaren, Kontseiluaren eta Komisioaren artean. Negoziazioak amaitu dira, eta testuak banku zentralek prestaturiko indizeentzat salbuespena egiten jarraitzen du, dioenez banku zentralek euren eginkizunak zintzotasun eta independentziaz egiten dituztela bermatzen duten printzipio, irizpide eta prozeduren arabera aritzen baitira, eta ondorioz ez delako beharrezkoa banku zentralek Araudi honen esanetara egotea. Tamalez IRPHaren kaltedunok badakigu hori ez dela horrela, eta araudi honen betebeharra hautsiko lituzkeen indize bat pairatzen darraigu.

Testua apirilaren 7an bozkatuko dute, ostegunez, Ekonomia komisioan, eta apirilaren 25 edo 26an osoko bilkuran. Ez da zuzenketarik onartzen, eta beraz IRPHa ozta-ozta bizirik aterako da oraingoan ere, PP, PSOE eta PNVri esker. Baina ez da luzarorako izango: laster botako dugu behera.

Pablo Iglesias eta beste 6.869 pertsonek ez dute IRPHa ezagutzen

Erreferentzia indizeen inguruko Europako araudi berriaren proiektuak aurrera darrai, IRPHa PP, PSOE eta PNVren erabakiz salbatzen delarik

europarl

Tal y como hemos informado en anteriores ocasiones, las autoridades europeas trabajan en un nuevo reglamento específico sobre índices de referencia. El reglamento impone condiciones muy básicas que el IRPH no cumpliría, y obligaría a su desaparición o reforma. Sin embargo, el reglamento nacerá con una carencia fundamental: no será aplicable a los índices elaborados por bancos centrales. El IRPH, al ser elaborado por el Banco de España, se salvará de tener que cumplirlo.

El 19 de mayo de 2015 el pleno del Parlamento Europeo debatió el proyecto de reglamento, y el grupo de izquierda europeo en el que se integran EH Bildu, IU y Podemos presentó una enmienda para eliminar toda excepción. Pero la enmienda fue rechazada con los votos de PP, PSOE y PNV entre otros. Estos partidos volvieron a unir sus fuerzas para salvar al IRPH. Tienes toda la información en esta noticia que publicamos ese día.

Tras aquella votación se abrió una serie de negociaciones a tres bandas entre Parlamento, Consejo y Comisión europeas. Estas negociaciones acaban de concluir y hemos conocido el texto acordado, que sigue excluyendo a los índices elaborados por bancos centrales. Parece seguro por tanto que el IRPH se salvará de tener que cumplir esta normativa, que entrará en vigor en 2016.

Recordemos que el europarlamentario del PSOE Jonás Fernández (que votó en contra de la enmienda de la izquierda y también en contra de advertir expresamente a España de que el IRPH es contrario a la normativa europea), nos respondió en Twitter invitándonos a esperar a la redacción final del reglamento, dando a entender que podían eliminar la exención a índices como el IRPH. Obviamente, no esperábamos nada de él, y no nos hemos equivocado: el texto sigue sin ser aplicable al IRPH, que una vez más se salva gracias a PP, PSOE y PNV.

Recuerda seguirnos en Twitter para estar al día de todas las novedades en materia de IRPH.

PP eta PSOEk Europako Parlamentuak IRPHa gaitzestea eragotzi dute

ppsoecs_irph

PP ETA PSOEk BABESA EMAN DIOTE IRPHari EUROPAN BERRIZ ERE

EUROPAKO PARLAMENTUAK IRPHa ABUSUZKOA DELA ESATEA ERAGOTZI DUTE AZKEN UNEAN

EUROPAKO PARLAMENTUKO KOMITE BATEK EBATZI ZUEN IRPHa EUROPAKO LEGEDIAREN AURKAKOA DELA

Europako Parlamentuaren osoko bilkurak “etxegabetze kopuru onartezina” jaisteko eskatu zion Espainiako gobernuari atzo, urriak 8, adierazpen baten bitartez. Adierazpen honen jatorrizko bertsioan honakoa zioen puntu bat ere bazegoen: «Europako Parlamentuak ohartarazten du IRPHaren erabilera 93/13/CEE direktibaren aurkakoa dela».

Indize hau abusuzkoa dela adierazi nahi zen hortaz, abusuzko klausulen inguruko direktibaren aurkakoa izaki. Europar Parlamentuko Eskaeren Komiteak prestatu zuen ohartarazpen hau, Maite Ortiz eta José María Erauskin IRPH Stop Gipuzkoa elkarteko abokatuek 2015eko apirilean Bruselan egin zuten agerraldian indize honen irregulartasunak agerian utzi ondoren.

Alabaina, IRPHaren inguruko puntua modu bereizian bozkatua izan da osoko bilkuran, eta ez da onartua izan PP eta PSOEk, euren bazkide europarrekin batera, ez dutelako babestu. Bi alderdi hauek, euren talde parlamentarioen babesarekin, Eskaeren Komiteak prestaturiko jatorrizko testutik IRPHaren inguruko ohartarazpena desagerraraztea lortu dute.

PPk aurkako botoa eman du, Ciudadanos, CDC eta Unió alderdiekin batera. PSOE abstenitu egin da, ezezkoari garaipena emanez..

Alde bozkatu dute EH Bildu, PNV, IU, Podemos, UPyD, Nova Esquerra Catalana, Compromís eta Alternativa galega de esquerda alderdiek. PNVren ordezkariaren aldeko botoak atentzioa eman du, ordezkapena duen foro guztietan, Kutxabanken administrazio kontseilua barne, IRPHa babestu duen alderdi batetik baitator.

PPk eta PSOEk IRPHa babesteko indarrak batzen dituzten hamaikagarren aldia da. Indize honek 1,3 milioi familiatik gora kaltetzen ditu estatu espainiarrean, eta orain dela gutxi Espainiako Bankuak berak onartu beharra izan du bankuek indizea manipulatu egin dezaketela.

PP eta PSOEk IRPHaren alde egin eta Europako Parlamentuaren Eskaeren Komiteak prestaturiko testua aldatzea lortzea kolpe latza da kalteturiko familientzat. Kaltetuen artean atzo garaipena ospatu zuen askok eta askok, uste baitzuten onarturiko testuak IRPHaren aurkako puntua barnean zuela. Hala ere, IRPH Stop Gipuzkoa elkarteak baikor izaten jarraitzeko arrazoiak ikusten ditu: IRPHa aztertu duen komite europarrak abusuzkoa eta europar legediaren aurkakoa dela ebatzi du, eta IRPHa “cuestión de estado” bezala duten PP eta PSOEren maniobrak bakarrik ebatzi du hori onarturiko testutik ateratzea. Baikorrak gara IRPHaren azken egunetan baikaude, eta PP eta PSOEren IRPHaren defentsa hil aurreko azken buztankadak direlako.

IRPH Stop Gipuzkoa elkarteak IRPHa babestu duten alderdien aurka egingo dituen mobilizazio eta presio-neurriak aztertzen ditu orain. PSOEren jarrera bereziki adierazgarria da. Izan ere, gure plataformaren eta Kaleratzeak Stop-en aldarrikapenak babesteko itxura egiten dabilen unean iristen da. Argi geratu da berriz ere, aurkakoa adierazi nahi izan arren, PSOEk IRPH indize kriminala maite duela.

Ez da denbora asko PSE-EE-ko kide diren Ernesto Gasco eta Susana García gure kartel bat eskuetan dutela argazkia ateratzen ikusi genituela, Kaleratzeak Stop elkartearekin batera prestatu dugun Dekalogoari ustezko babesa emanez. Orain esan nahi diegu: ez ukitu gure kartelik zuen esku zikinekin! IRPHak kaleratutako familien sufrimenduarekin zikinduak dituzue, nazkagarriak!

Elkarretaratzea eta bi albiste garrantzitsu

150619Conce

Donostia, 2015-6-19

IRPH Stop Gipuzkoa elkarteko abokatu eta kideek agerraldia egin dute gaur Donostian. Bertan, Espainiako Bankuak IRPHa manipulagarria dela, ez dela adierazgarria eta nahikoa kontrolik ez duela onartu izanaren inguruan xehetasunak eman dituzte.

Prentsaurrekoaz gain elkarretaratzea egin dute Gipuzkoako Probintzia Auzitegiaren aurrean, Merkataritza Arloko Epaitegian IRPHa baliogabetuz lortu dituzten epai guztiak sistematikoki eta argudio juridikorik gabe bertan behera utzi dituela salatzeko.

Ekitaldian hainbat ordezkari politiko izan dira, hala nola Marian Beitialarrangoitia eta Ainhoa Beola (EH Bildu), Arantza González (Ezker Anitza – IU), Loïc Alejandro (Irabazi Donostia) edota José Miguel Gravina (Podemos).

Maite Ortiz eta José María Erauskin IRPH Stop Gipuzkoa elkarteko abokatuek azaldu dute Espainiako Bankuak euren galderei erantzunez onartu egin duela aurrezki kutxa bakoitzak IRPHan eragina izan zezakeela berak aplikaturiko interesak –edota komisioak– igoaz, eta bere eraginaren tamaina zehaztasun matematikoz kalkulatu zitekeela gainera. Bankuaren erantzunekin garbi geratzen da gainera IRPHa ez dela maileguen merkatuaren adierazgarri: Espainiako Bankuak onartzen du indize honen kalkuluan, batez besteko sinplea izaki, aurrezki kutxa guzti-guztiek pisu berdina zutela. Aurrezki kutxarik txikienaren kasua aipatzen da, eta 600 aldiz handiagoa zen aurrezki kutxarekin alderatzen da, eta onartzen da biek ere pisu berbera zutela batez bestekoan. Azkenik, erantzunek beste gabezia nagusi bat agerian utzi dute: gardentasun eta kontrolik eza. IRPHa kalkulatzeko abusuzko zirelako baliogabetuak izan diren interes tipoak erabili ote diren itaunduta, merkatuaren erregulatzaile eta indizearen kontrolaren erantzule den erakundeak onartu du ez duela galdera erantzuteko nahikoa informaziorik.

IRPHa Europar Parlamentuaren ordezkaritzak Espainiari egin dion bisitan

Bestalde, IRPH Stop Gipuzkoa elkarteak konfirmatu du IRPHa presente izango dela Europar Parlamentuaren Ekonomia eta Auzi Ekonomikoen Komisioaren ordezkaritza batek atzo eta gaur Espainiari egin dion bisitan.

Paloma López (IU) eta Ernest Urtasun (ICV) parlamentarioek IRPH Stop Gipuzkoari konfirmatu zioten Espainiako Bankuaren gobernadore den Luis Linde-ri zuzenean galdetuko ziotela IRPHaren abusuaren inguruan, eta baita Espainiako Bankuak IRPH Stop Gipuzkoaren galderei emandako erantzunaz ere. Bi parlamentariek euren Twitter kontuen bitartez eman zuten honen berri.

IRPHa Kataluniako Parlamentuan

Espainiako Bankuak IRPH Stop Gipuzkoaren galderei emandako erantzuna Kataluniako Parlamentuan ere aipatua izan zen atzo, ERC-ko Pere Bosch-ek gobernuari egin zion galderan. Bosch-ek Generalitateari eskatu zion IRPHa Euribor gehi puntu bateko diferentzialarekin ordezkatua izan dadin lanean hasteko, eta baita bidegabe kobraturiko dirua itzultzearen alde ere.

Felip Puig conseller-ak ezagutzera eman zuen gobernuak Agència Catalana del Consum delakoaren bidez ekingo diola lan honi, eta dagoeneko txosten bat prestatzen ari direla.

PP, PSOE eta PNVk IRPHa babestu dute Europako araudi berriaren aurrean

EUROPAKO PARLAMENTUAK ERREFERENTZIA-INDIZEEN GAINEKO ARAUDI BERRIA IRPHari APLIKATZEA BAZTERTU DU

PP, PSOE ETA PNVk IRPHa LIBRATZEA LORTU DUTE, BETETZEKO GAI EZ DEN ARAUDI BERRIA EZ BAITZAIO APLIKAGARRI IZANGO

EH BILDU, IU ETA PODEMOSek
KONTROL-NEURRI BERRI HAUEK IRPHari ERE APLIKAGARRI IZATEA DEFENDATU DUTE

IRPHak ZENBAIT KONTRAESAN SORTU DITU TALDEEN BARRUAN, ETA ARAUDI BERRIAREN GAINEKO BOZKETA ATZERATUA IZAN DA, EZOHIKO NEURRI BATEKIN

Donostia, 2015-5-19

Erreferentzia-indizeen «manipulazio arriskua txikitzeko» helburu zehatzarekin datorren araudi berria baten inguruko emendakinak bozkatu dituzte gaur Europako Parlamentuaren osoko bilkuran. Estatu espainiarrean IRPHak kaltetzen dituen 1,3 milioi familiatik gora zeuden araudi berri honengan itxaropena jarrita, bertan ezartzen diren baldintzak betetzen ez dituela eta IRPHa desagerrarazi dezakeelakoan.

Baina milioika herritar horien itxaropena zapuztu du gaur Europako Parlamentuak araudi berriaren aplikazio eremua banku zentralek prestaturiko indizeetara zabaltzeko aukera baztertu duenean. IRPHa, Espainiako Bankuak prestatua denez, araudia betetzetik libre geratuko litzateke ondorioz, nahiz eta bertan ezartzen diren baldintzak betetzeko gai ez izan.

IRPH Stop Gipuzkoa elkarteak agerraldia egin zuen apirilaren 16an Europako Parlamentuan, eta araudi berria banku zentralek prestaturiko indizeei ere aplikatzea exijitu zuen. EH Bildu, IU eta Podemoseko parlamentariek, Europako Ezker Bateratuaren Talde Konfederatuko euren kideekin batera, eskaera hau bultzatu dute gaurko bozketan, emendakin bat aurkeztuaz. Baina emendakin hori erabat baztertua izan da PP eta PSOEren eta euren kide europarren bozekin. PNV eta CiU bezalako alderdiek ere IRPHaren alde egin dute, abusuzko indize hau araudi berritik babestuaz.

Baina Europako Ezker Bateratuaren taldeak aurkezturiko emendakin honen bozketak kontraesanak sortu ditu zenbait talde parlamentarioren barnean. Hori izan daiteke testuaren azken bozketa atzeratu izanaren arrazoia, emendakinak bakarrik bozkatu ondoren. Parlamentuan ez dira ohikoak horrelako neurriak.

Europako Sozialisten talde parlamentarioan zazpi bozka izan dira araudiaren aplikazio-eremua zabaltzearen aldekoak, guztiak ere Espainiako PSOEren parlamentarien artekoak. IRPH Stop Gipuzkoatik hauteskunde kanpaina barruan datorren babes partzial honekin mesfidati gara. Izan ere, alderdi honek behin baino gehiagotan erakutsi digu euren botua erabakigarria ez denean bakarrik babesten dituela gure aldarrikapenak.

Demokrata eta Liberalen taldean ere izan dira araudiaren aplikazio-eremua zabaltzearen aldeko bozak, eta Espainiako parlamentariengandik etorri dira hauek ere: Ciudadanos alderdiko bi kideen eta UPyD-ko kide baten kasua da.

Euren talde parlamentarioekin bat egin ez duten boz hauek izan daitezke araudia aurkezten zuen parlamentariak azken bozketa atzeratzeko eskatu izanaren arrazoia. Ezohiko neurri honek agian denbora irabazi eta talde horien barneko kontraesan horiek isilaraztea izan dezake helburu.

Edozein modutan, IRPH Stop Gipuzkoa elkartea ezkor da eta uste du araudi berria indarrean sartzen denean ez dela IRPHari aplikagarri izango, hori lortzeko aurkezturiko emendakina bozkatu eta baztertua izan baita dagoeneko.

Hala ere, testu berriak IRPHaren eskasiak ikusarazteko balioko du. Izan ere, indize hau ez da Europako araudi berria betetzeko gai, eta aplikagarri ez zaiolako bakarrik libratzen da. Araudi berri honek oso oinarrizko baldintzak ezartzen ditu. Indizea osatzeko erabiltzen diren datuak argitara ematea eskatzen du adibidez, eta IRPHaren kasuan ez da hau betetzen, datuak “sekretuak” direla aitzakiatzat hartuta. Gainera, indizeek merkatuaren errealitatea ordezkatzea eta eskaintza eta eskariaren legearen menpe egotea exijitzen da. IRPHak, bataz besteko ez haztatua denez, negozio-bolumenaren araberako ponderaziorik ez du egiten eta entitate guztiek pisu espezifiko berbera dute bataz bestekoan. Ondorioz, emaitza ez da merkatuaren errealitatearen isla eta ez dago eskaintza eta eskariaren legearen menpe.

Edozein modutan, berriz ere gogorarazi behar dugu dagoeneko indarrean dagoen legedia bera nahikoa dela IRPHa abusuzko izateagatik bertan behera uzteko. Horrelaxe frogatu dute dagoeneko Donostia, Guadalajara eta Bartzelonako Merkataritza Arloko epaitegiek, besteak beste. Horregatik, IRPH Stop Gipuzkoa elkartetik itxaropenerako deia luzatzen diegu kalteturiko familiei. Elkarte honek aurkezturiko auzibide gehienek Espainiako Auzitegi Gorenera helegitea jarria dute, Europar Batasuneko Justizia Epaitegiari aurretiko galdera eginaz gainera. Amore ematetik oso urrun gaude hortaz. Borrokan jarraitzen dugu.

IRPH Stop Gipuzkoak PP, PSOE eta PNVren jarrera baztertu eta EH Bildu, IU eta Podemosen babesa eskertzen du.