Category Archives: Congreso/Senado

Espainiako gobernuak IRPHaren inguruko galdera sorta bati erantzun beharko dio idatziz

Josep Vendrell, Unidos Podemos – En Comú Podem – En Marea taldeko diputatuak, IRPH indizearen inguruko galdera erregistratu du, eta gobernuak idatziz erantzun beharko dio.

Bere idatzian Josep Vendrell-ek dio IRPHa oso manipulagarritzat jotzen den indizea dela, eta bataz besteko sinple batekin kalkulatzen dela eta TAE tipoak kontuan hartzen dituela salatzen du. Diputatuak azpimarratzen du kaltedunen kopurua handia dela, IRPH Stop Gipuzkoak kalkulaturiko 1.3 milioitako zenbakia erabiliz. Hauek dira egin dituen galderak:

¿Qué mecanismos de información y asesoramiento va a impulsar el Gobierno ante el elevado volumen, 1’3 millones, de personas afectadas?
Ante las continuadas sentencias judiciales que establecen la nulidad del IRPH por ser una cláusula abusiva y el retorno a las personas afectadas de lo cobrado indebidamente, el Gobierno está estudiando fórmulas para solucionar esta problemática evitando su judicialización?
¿Considera el Gobierno que hay indicios de manipulación en el cálculo del índice de referencia de los préstamos hipotecarios por parte de las entidades financieras?
¿El Gobierno ha mantenido reuniones o contactos con las entidades financieras para tratar esta cuestión? ¿Con qué interlocutores?
¿El Gobierno ha mantenido reuniones o contactos con plataformas de personas afectadas para tratar esta cuestión? ¿Con qué interlocutores?
¿La cuestión del IRPH o de otras malas prácticas de las entidades financieras españolas ha sido tratada con la Comisión Europea? ¿En qué términos?
¿Está estudiando el Gobierno la sustitución definitiva del IRPH?
¿El Gobierno considera necesario que las entidades financieras realicen provisiones específicas para hacer frente a las devoluciones de las cantidades cobradas indebidamente por el IRPH?

Oso galdera interesgarriak dira, eta gobernuak apirilaren 29a baino lehenago erantzun beharko ditu. Baina ezin gara oso baikorrak izan, eta PPren gobernuak ihesbideren bat erabili eta galderak erantzun gabe utziko ditu ziur aski. Aurrez ere, orain dela 3 urte, 2014ko martxoaren 17an Amaiur koalizioak (egun EH Bildu denak) IRPHaren inguruko galdera sorta bat aurkeztu zuen, eta gobernuak emandako erantzuna lotsagarria izan zen. Edozein modutan, ekimen interesgarria da, Espainiako kongresuan IRPHaren gaiari ikusgarritasuna emateko besterik ez bada ere. Gogora dezagun ganbera berean agerraldia egingo dutela laster gure abokatu Maite Ortiz eta Jose Mari Erauskinek, eta espero dezagun berandu baino lehen arazoari konponbidea topatzea.

IRPH Stop Gipuzkoa elkartearen abokatuek agerraldia egingo dute Kongresuan

Maite Ortiz eta José María Erauskin, IRPH Stop Gipuzkoa elkartearen abokatuek, agerraldia egingo dute Espainiako Diputatuen Kongresuan. Agerraldia Unidos Podemos-En Comú Podem-En Marea talde parlamentario konfederalak eskatua da, eta Ekonomia, Industria eta Lehiakortasun Komisioan emango da, nahiz eta oraindik ez den ezagutzen data zehatza.

Maite Ortiz eta José María Erauskin aitzindariak dira IRPHaren aurkako borroka juridikoan, eta aurretik ere azaldu dituzte IRPHaren irregulartasunak Europako Parlamentuan eta EAEko Legebiltzarrean. Oraingoak kaltedunon ahotsa Espainiako Diputatuen Kongresura eramango dute. Bertan IRPHaren funtzionamendua azalduko dute, talde parlamentarioek errealitate hau ezagutu dezaten. Indizea jasanezina, abusuzkoa, manipulagarria eta bi aldiz ordaintzea dakarrena dela azaltzea da helburua.

Agerraldiak kutsu juridikoa izango du, baina Maite Ortiz eta José María Erauskinek IRPHak kaltedunengan eragiten duen sufrimendua ere azaldu ahal izango dute. Izan ere PAH elkartean etxegabetze prozesua pairatu duten dozenaka familien alde egin dute lan, IRPHarekin erlazioa izan ala ez.

Azpimarratzekoa da agerraldi honetan IRPHaren irregulartasunak azalduko direla baina ez dela hura ordezkatzeko formularik defendatuko. Uste dugu hori hurrengo pausua litzatekeela, eta injustizia honi amaiera emateko konpromisoa hartzen duten talde parlamentarioei gure proposamenak helarazi beharko genizkieke kaltetuon plataformetatik. IRPH Stop Gipuzkoa plataformak oraindik ez du honen aurreko bere jarrera ezagutarazi, eta beraz agerraldi honetan ez da inolako formularik defendatuko, ez eta horren inguruko Legez Besteko Proposamenik.

IRPHa Twitter-eko hauteskunde kanpainan, oraingoan Ciudadanos-en eskutik

160613_tweet_Rivera

IRPHaren hainbat kaltedun Twitter sarean egiten ari den lana nekaezinari esker, eta hauteskunde kanpainan politikariek izan ohi duten sentsibilitatea medio, IRPHa albiste da berriz ere. Aurreko batean kontatu genuen Unidos Podemos koalizioko hainbat politikarik, Pablo Iglesias eta Alberto Garzón barne, IRPHaren iruzurraren aurkako txioak argitaratu zituztela. Egun batzuk beranduago Albert Rivera-ren txanda iritsi da. Honek ere #IRPHestafa traola erabili du eta konponbideak topatzeko garaia dela esan du.

Hauteskunde garaiko mezuak zuhurtziaz hartu behar dira, eta kontuan hartu behar da gainera ez dutela IRPHaren aurkako neurri konkreturik zehaztu. Baina hala eta guztiz ere, Espainiako Gobernurako bi presidentegaik IRPHaren iruzurra ahotan izatea garrantzitsua da. Espero dugu keinu hauetaz haratago IRPHaren desagertzea eta kalteak konpontzea hautagai guztien programetan sartzea. Eta batez ere, ekainaren 26aren ondoren agindutakoak betetzea. Guk hementxe jarraituko dugu, horiek betearazteko.

Bitartean, jarrai gaitzazu Twitter-eko gure @irphstop_gpzkoa kontuan IRPHaren inguruko albiste guztien berri izateko.

IRPHa kanpainan sartzen da, Unidos Podemos-en eskutik

160609_twitter

Espainiako Gobernuko presidentegai den Pablo Iglesiasek txio bat idatzi du gaur, ekainaren 9an, IRPHa bankuen abusu bat dela esanaz, eta IRPH Stop Gipuzkoa-ren bideo bati esteka erantsi du.

Alberto Garzón Izquierda Unida-ko koordinatzaile federalak ere antzeko txio bat idatzi du.

Eta egun bat lehenago Rafa Mayoral (Podemos-eko gizarte mugimenduetarako idazkari eta Unidos Podemos-en Madrilgo zerrendan seigarren postuan den hautagaiak) antzeko txio bat idatzi zuen, gure abokatu Jose Mari Erauskini IRPHa azaltzeagatik eskerrak emanez eta gure Youtubeko kanaleko beste bideo bati lotura erantsiz.

Gure plataforma beti izan da apartidista eta halaxe jarraituko dugu, eta badakigu gainera mezu hauek hauteskunde kanpainan datozela eta beraz hauteskunde garaiko mezuen aurrean izan behar den zuhurtziaz hartu behar direla. Baina hala eta guztiz ere, Espainiako Gobernuko presidentegai batek gu aipatzea azpimarragarria da. Espero dugu keinu hauez gain IRPHaren desagertzea eta kalteak konpontzea hautagai guztien programetan sartzea. Eta batez ere, ekainaren 26aren ondoren agindutakoak betetzea. Guk hementxe jarraituko dugu, horiek betearazteko.

Bitartean, jarrai gaitzazu Twitter-eko gure @irphstop_gpzkoa kontuan IRPHaren inguruko albiste guztien berri izateko.

Gobernuak ez du erantzuten eta IRPHaren gardentasun eza babesten du

1405_respuesta_gob

IRPH Stop plataformak oso larritzat jotzen du Amaiur koalizioak espainiar kongresuan IRPH erreferentzia indizeen kalkuloaren inguruan egin zituen galderei espainiar gobernuak eman dien erantzuna.

Gobernuak, bere ustezko erantzunean, ez dio eginiko hamabost galderetatik bat berari ere erantzuten. Galdera hauek IRPH Stop plataformak prestatu zuen eta IRPHaren kalkuluan dauden irregulartasunak agerian uzten dituen txosten batetan oinarrituta daude. Plataformak ulertzen du modu honetan gobernuak IRPHaren gardentasun gabezia babesten duela.

Gobernuaren idatziak ideia orokor batzuk kopiatzea besterik ez du egiten, eta azpimarragarria da horien artean erreferentzia indizeei eskatzen zaien eta IRPHak betetzen ez duen baldintza bat: “que no sean susceptibles de influencia por la propia entidad en virtud de acuerdos o prácticas conscientemente paralelas con otras entidades”.

Orain dela gutxi ezagutzera eman den Donostiako Merkataritza Arloko 1. Epaitegiaren epaiak, Kutxabanken hipoteka batetan IRPHaren aplikazioa abusuzkoa izateagatik bertan behera utzi zuenak, argi uzten du ez betetze hau, hitzez hitz ondorengoa esaten duenean: “resulta indudable que una de las partes, el prestamista, tiene la posibilidad de influir en el importe del índice tomado como referencia”.

Informazio gehiago: Amaiur koalizioaren galderak eta gobernuaren erantzuna, berria Amaiur koalizioaren webgunean, eta Telecinco eta Europa Press komunikabideetan.

Amaiur IRPHagatik gobernuari kontu eske

congreso02

Amaiur koalizioak 15 galdera aurkeztu dizkio Espainiako gobernuari kongresuan. Lehenbiziko bi galderek kalteturiko hipoteken kopurua argitu nahi dute, eta hurrengo biek indize hauek kalkulatzeko hilero-hilero erabili diren datuak argitaratzea exijitzen dute. Gainontzeko galderen bitartez IRPHaren Kaltedunen Gipuzkoako Elkarteak otsailean argitara eman zuen txostenak salatzen dituen gabezia eta irregulartasunak azpimarratzen dira. Espero dugu Amaiurren ekimen honek irregulartasun hauek argitara eman eta IRPHa behin betiko desagertarazteko balio izatea.

Ikusi berria Naiz.info webgunean.

Ordezko indizea, onartua

congreso
Irailaren 18an PPk bere gehiengo absolutua baliatuz ordezko indizea aprobatu zuen Kongresuan. IRPH Cajas, IRPH Bancos eta CECA desagertzea agindu zenetik 2 urte behar izan ditu estatuak ordezkoa ezartzeko. Eta zein aukeratu du? IRPH Entidades. PSOE-k desagertzetik salbatu zuen indize hau ere gardentasunik gabea da, eta hortaz PPk eta PSOEk IRPHaren lapurreta luzatuko dute.

Baina zertan eragiten digu honek Kutxaren bezerooi? Kutxaren hipotekek badakarte ordezkoa kontratuan: Euribor+1. Ondorioz, orain onartutako ordezkoa ez da guretzat. Kutxak orain dela 2 urte, ministerio-agindu batek IRPH Cajas gardentasun-ezagatik desagetzera kondenatu zuenean dagoeneko Euribor+1 aplikatu behar zigun… baina ezertarako behar ez zuen ordezkoa ezarri zain egotea aukeratu zuen (eta horrela guri hilean 300-400€ gehiago kobratzea!) Orain badugu ordezkoa, Kutxak ez du ezertarako behar, baina aitzakiak bukatzen ari zaizkio.

Lege honen arabera azaroaren 1ean argitaratuko da azken IRPH Cajas indizea, eta ondoren desagertu egingo da. Gure kontratuen arabera, IRPH Cajas desagertzean Euribor+1 aplikatu behar zaigu. Dirudienez, Kutxak oraindik ez du etsi, eta gehiago lapurtu nahi digu: hurrengo rebisiora arte IRPH Cajas mantentzen saia daitezke. Hau da, orain berrikusten badugu hipoteka, beste urtebetez kobratu nahi digute IRPH Cajas indizearen arabera, nahiz eta indize hau desagertu eta ondorioz kontratuak Euribor+1 aplikatzeko ezartzen duen baldintza bete. Dakigunez, hau da PNV-k eta PSE-k Kutxaren Administrazio Kontseiluan defendatzen dutena (nahiz eta legebiltzarrean eta udaletxetan kontrakoa defendatu, hipokrita horiek). Jakizue, PNV eta PSE, aurrean izango gaituzuela. Eta jakizu, Kutxabank, neurri legalak edota desobedientziazkoak hartzeko prest gaudela.

Egin klik Kongresuak onarturiko testua ikusteko

IRPH Entidades-ek senatuko tramitea igaro du

PP-k IRPH-a duten eta ordezkorik aurreikusten ez duten hipotekei indize manipulagarri eta kriminal bat inposatu nahi die, PSOE-k ongi gorde zuen IRPH Entidades alegia. Irailaren 11n PPren ekimen honek senatuko tramitea igaro zuen, eta orain kongresura itzuliko da BOE-n argitaratu aurretik, ez badugu eragozten.

Bideoan honen kontra hitz egiten dute: IU (estatu mailako plataformaren gutuna irakurriaz), PSOE (orain eskatzen dute berehala Euribor+1 aplikatzea eta ez dute gogoratu nahi beraiek egiteko aukera izan zutela duela 2 urte) eta Amaiur – EH Bildu, gure elkartea aipatuz (Gipuzkoako IRPH-ak kaltetutakoen elkartea) eta PSOE eta PNV-ren hipokrisia salatuz.

PP-k bihar inposatu nahi du IRPH Entidades ordezko bezala

…eta ez dirudi PSOE hau egozteko gai izango denik.

Bihar, irailak 11, PP-k IRPH-aren lapurreta betirako luzatu nahi du, ordezko bezala IRPH Entidades delakoa ezarriaz (ordezkorik aurreikusten duten kontratuentzat), diferentzial batekin gainera (“kalkulagailua” atalean kalkulatu dezakezu)

Gaur PSOE-ren galdera bat zela-eta eztabaidatu dute. PSOE-k ez du funtsezkoa azpimarratu: ordezko bezala banketxeek nahi duten modura manipulatu dezaketen indize bat ezartzera doaz. Gainera errua PSOE-rena da, IRPH cajas eta IRPH Bancos indargabetu zituen ministerio-aginduan “ahaztu” egin baitzuen IRPH Entidades indargabetzea. Gainera, aginduaren aplikazioa airean utzi zuen ordezkoa ezarri bitartean. 2011ko urria zen eta IRPH guztiak indargabetu eta Euribor-a ordezko bezala ezarri ahal izan zuten, baina orduan gobernuan zeuden eta ez ziren horren ausartak…

Bihar, lotsa pixka bat baldin badute, senatuko kideek PP-ren proposamen kriminala baztertu behar dute.